Sunday, September 1, 2013

கதம்பக்கூடை

கதம்பக்கூடை....



                           வணக்கம்.

                           சில மனவோட்டங்களின் பகிர்வாக இப்பதிவு.

                         

         
                              சில தினங்களுக்கு முன்பு தினமணியில் தமிழக முதல்வர் அவர்கள் விலங்குகளுக்கென குறிப்பாக யானைகளுக்கென அவை ஊருக்குள் வந்து மக்களுக்கு இன்னல் விளைவிப்பதைத் தவிர்ப்பதற்காக அவற்றுக்கென நீர்நிலை வசதி.. அதற்கென ஆழ்குழர்ய் கிணறுகள்.. நீர்தேக்கத் தொட்டிகள்.. விலங்குகளுக்குப் பிடித்தமான பயிர் விளைவித்தல் இவற்றுக்கென சில கோடி ரூபாய்களை ஒதுக்கியிருந்தார்கள். மேலும் விலங்குகளின் பசி தாகத்தை நீர் தாகத்தைத் தணிப்பதற்கும் காடுகள் தீப்பற்றிக்கொண்டால் அணைப்பதற்கும் என பல்வகை முனைப்புக்களில் அத்திட்டம் பற்றிய செய்தி வெளியாகியிருந்தது.

                           முழுமையாகப் படித்தவுடன் மனதுக்கு மகிழ்ச்சியாக இருந்தது. வனவிலங்குகளைப் பராமரிக்கும் எண்ணமுடனான இத்திட்டம் உண்மையில் வெகுவான பாராட்டிற்குரியது. ஒரு கவிஞர் வேடிக்கையாகக் கவிதை ஒன்று எழுதியிருந்தார் யானைகளா வீட்டிற்குள் வருகின்றன நாமல்லவா அவற்றின் வீடுகளில் வசிக்கிறோம் என்று. உண்மைதான் காடுகளின் எல்லைகளைக் குறுக்குவதால்தான் அவைகள் நம்மைநோக்கி வருகின்றன. எனவே இத்திட்டம் தொடர்ந்து செயல்படின் வனவிலங்குகளைப் பராமரிக்கும் பரிவு கொண்ட அருமையான திட்டமாக அமையும். தமிழக முதல்வருக்கு நன்றிகள்.

////////////////////////////////////////////////////////////////////////////////////////////////////////////////////////////////////////////////////////////


மறுபடியும் ஒரு பெண்  (புகைப்பட நிருபர். மும்பை) மீதான பாலியல் பலாத்காரம் மனதை வேதனைப்படுத்துகிறது. வழக்கம்போலவே கைதும்  விசாரணையும் எனத் தொடர்கிறது. இதுபோன்ற நிலைப்பாடுகளில் கடுமையான தண்டனைகளோடு இவற்றை ஒருபோதும் மனமெண்ணாத வகையில் மாறுபட்ட சிந்தனைகளுடன்கூடிய கடுமையான சட்டங்கள் இயற்றப்படவேண்டும். இதற்கான மூலக்காரணிகளை சமுகத்தின் பல்வேறு செயல்பாடுகளில் இருந்து அறிந்து அகற்றுதல் வேண்டும். அது முளையிலேயே கிள்ளியெறிவதாகும்.

//////////////////////////////////////////////////////////////////////////////////////////////////////////////////////////////////////////////////////////////

குழந்தைகள் என்றாலே மனம் பதறுகிறது. சிரியாவில் ரசாயன குண்டு வீச்சிற்கு வாயில் நுரைதள்ளி சாலையில் கிடக்கும் குழந்தைகளின் புகைப்படங்கள் நெஞ்சையறுக்கின்றன. இது எந்தவிதத்திலும் நியாயம் இல்லை என்பதுதான் உண்மை. நியாயத்திற்கு சரியான மருந்திடவேண்டும்.

/////////////////////////////////////////////////////////////////////////////////////////////////////////////////////////////////////////////////////////////////

ஐ.நா.வின் சார்பில் மதிப்பிற்குரிய நவநீதம் பிள்ளை இலங்கைக்கு வந்திருப்பது பொறுப்பான ஒன்றாகும். இதற்கு இலங்கையின் பொறுப்பான பதவியில் இருக்கும் ஓர் அமைச்சர் நான் வேண்டுமானால் அவரைத் திருமணம் செய்துகொண்டு இலங்கையை சுற்றிக்காண்பிக்கிறேன் என்று கூறியிருப்பது குறித்து திருமிகு வைகோ கண்டனம் தெரிவித்திருப்பது அனைவரும் சிந்திக்கவேண்டிய ஒன்றாகும். பொறுப்பான பதவியிலிருக்கும் அமைச்சர் ஒருவரின் இத்தகைய பேச்சு எப்படி பண்பாடாகும்?  கவலைக்குரியதாக இருக்கிறது இதுபோன்ற நிகழ்வுகள்.

////////////////////////////////////////////////////////////////////////////////////////////////////////////////////////////////////////////////////////////////


எனக்கு  வலைப்பக்கம் உருவாக்க உதவி செய்தவர் அண்ணாமலைப் பல்கலைக்கழகத்தின் தமிழத்துறையில் பணியாற்றும் திருமதி கல்பனா சேக்கிழார் அவர்கள். அவர்களுக்குத்  தற்போது சிறந்த இளம் தமிழறிஞருக்கான செம்மொழி விருது கிடைத்துள்ளது. அவருக்கான பாராட்டை உங்களோடு பகிர்ந்துகொள்கிறேன்.

அவருடைய வலைப்பக்க முகவரி sekalpana.blogspot.com

இதே விருதை பெற்றிருப்பவர்கள்

  எனது அன்பிற்குரிய நண்பர்கள்  நாமக்கல் அரசு கலைக்கல்லுர்ரியில் பணிபுரியும் பேராசிரியர் முனைவர் இரா.சந்திரசேகர் அவர்கள்.

         சேலம் ஆத்துர்ர் கலைக்கல்லுர்ரியில் பணிபுரியும் நண்பர்
பேராசிரியர் முனைவர் எஸ். ஜெயக்குமார் அவர்கள்.

             இவர்கள் இருவருக்கும் மனமார்ந்த பாராட்டுக்களை உங்களோடு பகிர்ந்துகொள்கிறேன்.



/////////////////////////////////////////////////////////////////////////////////////////////////////////////////////////////////////////////////////////////////

     

     இந்திய ரூபாயின் மதிப்பு மதிப்புக் குறைந்துகொண்டேபோகிறது.
இது எங்கே போய் முடியும்? என்று தெரியவில்லை. நாம் பல்வேறு நிலைப்பாடுகளில் மதிப்புக்களை இழந்துகொண்டுதான் வாழ்ந்துகொண்டிருக்கிறோம்.


////////////////////////////////////////////////////////////////////////////////////////////////////////////////////////////////////////////////////////////////                
                         

10 comments:

  1. சிந்திக்க வேண்டிய செய்திகளுடன் கதம்பக் கூடை!. நல்லதொரு தொகுப்பு!..

    ReplyDelete
  2. அண்ணாமலைப் பல்கலைக்கழகத்தின் தமிழத்துறையில் பணியாற்றும் திருமதி கல்பனா சேக்கிழார் அவர்கள். அவர்களுக்குத் தற்போது சிறந்த இளம் தமிழறிஞருக்கான செம்மொழி விருது கிடைத்துள்ளது.

    மனம் நிறைந்த இனிய வாழ்த்துகள்..

    கதம்பக்கூடை மனம் நிறைய மணக்கிறது..!

    ReplyDelete
  3. யோசிக்க வேண்டிய கதம்பம்...

    ReplyDelete

  4. ஹரணி ஐயா. உங்கள் மனவோட்டத்தில் நானும் இணைகிறேன். .பகிர்வுக்கு நன்றி.

    ReplyDelete
  5. மற்றவர்களுக்குப் பாராட்டு தெரிவித்தது போதும் நண்பரே! கல்கியில் உங்கள் கதை விரைவில் வெளிவரப்போகிறதே, அதற்காக உங்களுக்குப் பாராட்டுக்கள்!

    ReplyDelete
  6. சமூக உணர்வை வெளிபடுத்தும் செய்திகள். கதம்பம் சிந்திக்க வைத்தது.

    ReplyDelete
  7. ஒரு பெண் பாலியல் பலாத்காரம் மனதை வேதனைப்படுத்துகிறது. வழக்கம்போலவே கைதும் விசாரணையும்.
    கடுமையான தண்டனைகளோடு ..... மனமெண்ணாத வகையில்.. கடுமையான சட்டங்கள் இயற்றப்படவேண்டும்.

    இதற்கான மூலக்காரணிகளை சமுகத்தின் பல்வேறு செயல்பாடுகளில் இருந்து அறிந்து அகற்றுதல் வேண்டும். அது முளையிலேயே கிள்ளியெறிவதாகும்.
    Just Act (Law) can not act alone.
    Ethics of Life is not taught now-days. Elders have to start at least at the school level.
    Now, the society is the robust hands of Internet, Mobile.

    Students are continuously playing with games and thus isolating themselves from the society.
    The cinemas and TV serials are also teaching the unusual things which lead the youths to try the unethical path.
    Now, People slowly forget to work and preparing themselves to beg from government and also make agitations and riots, if they dont get any frees, aids from government.
    This is the mentality of people now, and I personally feel this may be the root cause of many unwanted scenes.

    So, my humble suggestion is we have to start teaching morals to our children and to our neighbour children (if they permit) thus we shall initiate a good start.
    Thank you.

    ReplyDelete
  8. This comment has been removed by the author.

    ReplyDelete
  9. நல்லதொரு தொகுப்பு!.Good

    VisLib http://srivishal99.blogspot.com/

    ReplyDelete
  10. கதம்பக்கூடையில் காணப்படும் ஒவ்வொரு மலர்களும் மணம் வீசுகின்றன. சில பூக்களின் வாசம் மனதை வருடியும், சில பூக்களின் வாசம் (2, 3ஆவது பதிவு) மனதை நெருடியும் செல்கிறது. நல்ல தொகுப்பு அய்யா. நன்றி.

    ReplyDelete

Follow by Email