Monday, June 30, 2014

பொடி முட்டை... (நாடகம்)




                                          பொடி முட்டை,,,
                                                                                (நாடகம்)



                       (       ஒரு வீட்டின் உறால் அது. தாராளமான இடவசதிகொண்டது)


                 
                        வயதானவர்..:

                                                 அம்மா.. மருமகளே இன்னிக்கு முட்டை
சாப்பிடணும்போல இருக்கு. ஒண்ணு அவிச்சிகொடேன்..

                        மருமகள்   :

                                          முட்டை என்ன விலை விக்குது தெரியுமில்லே..
4.50..

                         வயதானவர்  :

                                              நான் வாங்கிட்டு வந்திருக்கேம்மா.. இந்தா
எல்லாருக்கும்

                                (கொடுக்கிறார்)

                               (மருமகள் வாங்கிகொண்டு முணுமுணுக்கிறாள்)

                              (பென்ஷன் வாங்கற கொழுப்பு... இந்த முட்டைக் காசு
இருந்தா வேற சாப்பிடலாம் வாங்கி)

                     வயதானவர்  :  என்ன சொல்றேம்மா?

                     மருமகள்    :       அவிச்சி தரேன்.
                     
                     ஆளுக்கொன்றாக நாலு முட்டைகளை அவித்து வைக்கிறாள்.

                                     
                                                            காட்சி 2

                                  (ஹர்லில் வயதானவர் ஒரு சிறுவன் அவன் அப்பா
                                               மருமகள்)

                     சிறுவன்       :         தாத்தா சாப்பிட வாங்க.. அம்மா கூப்பிடுது..

                               (வயதானவர் சாப்பிட அமர்கிறார்)

                      மகன்      :              முட்டை அவிச்சியா.. போடு.,.போடு..
                                               அவிச்ச முட்டை சாப்பிட்டு நாளாச்சு..

                      வயதானவர்  :   (தன் முட்டையை உடைத்து வெள்ளைக்
                                  கருவை மட்டும் வைத்துக்கொண்டு மஞ்சள் கருவை
                                  எடுத்து மகன் தட்டில் போடுகிறார். அவனுக்குப் பிடிக்கும்)

                                      சாப்பிடுப்பா..

                                     (மகன் சாப்பிடுகிறான்) (பக்கத்தில் சிறுவன்)

                   மருமகள்  : இது என்ன இது ரெண்டு மஞ்சள் கரு ஏது?
                         
                   மகன்      :      அப்பாவுக்கு ஒத்துக்காதுல்ல.. அதான் கொடுத்தாரு.

                  மருமகள்   :  உங்களுக்கு என்ன சின்ன வயசா? உங்களுக்கு மட்டும்
                                          ஒத்து வருமா அதுவும் ராத்திரியிலே ரெண்டு மஞ்சக்கரு
                                          கொண்டாங்க.. ஒண்ணு போதும்

                                     (ஒரு மஞ்சள்கருவை எடுத்து பிள்ளை தட்டில்
                                           போடுகிறாள்)

                     சிறுவன்   :   போ... எனக்கு முட்டை வேணாம். போ..

                     மருமகள்  :   ஏண்டா வேண்டாம்?

                     சிறுவன் :     எனக்கு பொடி முட்டைதான் வேணும்..இது வேண்டாம்.

                     மருமகள்   : நாளைக்கு செஞ்சு தரேன்.. இப்ப இத சாப்பிடு.

                     சிறுவன்  :   முடியாது... எனக்குப் பொடி முட்டைதான் வேணும்.

                     மகன்      :      அவனுக்கு என்ன பிடிக்குமோ அப்படி செய்ய வேண்டி
                                             யதுதானே?

                     மருமகள்   :  உங்கப்பாவுக்கு அவிச்சா புடிக்கும். இவனுக்கு பொடி
                                              முட்டை புடிக்கும். உங்களுக்கு ஆம்லெட் புடிக்கும்
                                              ஆளுக்கொண்ணு செய்யமுடியுமா?

                      மகன்    :        நான் ஆம்லெட் கேட்டனா?  புள்ளக்கிப் புடிச்சத
                                              செய்யவேண்டியதுதானே?

                     வயதானவர்     குட்டிப்பயலே சாப்பிடு.. நாளைக்குத் தாத்தா
                                                    முட்டை வாங்கிட்டு வரேன்.. பொடி முட்டை
                                                    அம்மாவ செய்யச்சொல்லி சாப்பிடலாம்..

                      சிறுவன்    :     போ தாத்தா.. எனக்கு பொடி முட்டைதான்
                                                வேணும்.. (தட்டிலிருந்து முட்டையை எடுத்து
                                                தரையில் வைக்கிறான்)

                       மருமகள்  :    இந்த வயசிலேயே  எவ்வளவு அழுத்தம். சாப்பிடுடா..
                                                 (அடிக்கிறாள்... அழுகிறான்)


                                                  காட்சி 3


                         வயதானவர் :   அவன அடிக்காதம்மா..

                         மருமகள்    :       உங்க வேலைய பாருங்க... உங்களுக்கு முட்டை
                                                        வச்சாச்சுல்ல சாப்பிடுங்க..

                         மகன்      :            எதுக்கு நீ இப்படி பேசறே?  அப்பா என்ன பண்ணாரு?

                         மருமகள்    :      இப்ப யாரு முட்டை வேணும்னு கேட்டா?

                         வயதானவர் :    என்னமோ நாக்குருசி கேட்டுட்டேன...முட்டை
                                                       சாப்பிடணும்னு தோணிச்சி.. கடைத்தெருவுலே
                                                       அவிச்ச முட்டை இருக்கு.. எல்லாரும்சேந்து
                                                        சாப்பிடலாம்னு வாங்கிட்டு வந்தேன்..

                         சிறுவன்     :         எனக்கு பொடி முட்டைதான் வேணும்.

                         மருமகள்      :      இப்ப அடி வாங்கி சாவப்போற பாரு..

                         மகன்         :            இதே எழவா போச்சு.. புள்ள வந்து பொறந்திருக்கு
                                                          பாரு..

                                               (என்றபடி பாதியில் எழுந்துபோனான் கைகழுவ)

                                              (மருமகள் அடுப்படி உள்ளே போனாள் முனகியபடி)

                          வயதானவர்  (வெள்ளைக்கருவை பொடிப்பொடியா நசுக்கி
                                                            இந்தா பொடி முட்டை )

                           சிறுவன்    :       என்னை ஏமாத்தறியா தாத்தா? இது பொடி முட்டை
        இல்லே. (என்றபடி எழுந்து வந்து வயதானவர் தட்டில் இருந்த அந்த
        முட்டைத் துகள்களை அப்படியே அள்ளி தெருப்பக்கம் போய்
         வீசினான்)

                                                                       (நிறைந்தது)
       

                         

4 comments:

  1. பெரியவரின் அன்பைப் புரிந்து கொள்ள யாரும் இல்லாத அந்த வீட்டில் - தட்டில் இருந்த வெள்ளைக் கருவும் வீதிக்குப் போனது தான் கொடுமை!..

    ’’ நன்றாற்றலுள்ளும் தவறுண்டு!..’’ - ஐயன் வள்ளுவர் சொன்னது சரியே!..

    ReplyDelete
  2. வணக்கம்
    ஐயா.

    மிகவும் வித்தியாசமான பதிவாக உள்ளது யாரும் எழுதவில்லை நீங்கள் எழுதியுள்ளீர்கள். நாடகத்தின் உரையாடல்கள் மிக அருமையாக உள்ளது.பகிர்வுக்கு வாழ்த்துக்கள் ஐயா.

    -நன்றி-
    -அன்புடன்-
    -ரூபன்-

    ReplyDelete
  3. அருமை
    ஆனால் மனம் கனக்கிறது

    ReplyDelete
  4. மகன் மகள் என்று இவர்களைச் சார்ந்து நிற்கும் பல பெரியவர்கள் சந்திக்கும் நிகழ்வுகள்தான் வாழ்வின் நிதரிசனம் பெரியவர் வசதி படைத்தவராக இருந்துவிட்டால் கதையே மாறி இருக்கும். வாழ்த்துக்கள் ஐயா.

    ReplyDelete

Follow by Email