ஒரு குழந்தையின் பொம்மை
தொலைந்துவிட்டது
என்ன பொம்மையென்று
சொல்லத்தெரியவில்லை.
ஆனால் அழுகிறது தொலைந்த
பொம்மைதான் வேண்டுமென்று
பிடிவாதத்துடன்
தொலைந்த பொம்மையைத் தேடுவதிலும்
குழந்தையை சமாதனப்படுத்துவது எளிதென்று
ஒரு யோசனை சொல்லப்படுகிறது
அது சரியாகாது பிடிவாதத்திடம்
என்று சொன்னால் உங்களைபோல்தான்
பிள்ளையும் பிறந்திருக்கிறது என்கிறார்கள்.
எதை தொலைப்பது ? எதை தேடுவது ?
இந்த தொலைந்தும் தேடும் வாழ்க்கையில்
